लातूर – लातूर शहरातील मध्यवर्ती असलेल्या छत्रपती शिवाजी महाराज चौकामध्ये काळे इलेक्ट्रिकल्स या इमारतीत भीषण आग लागल्याची घटना सकाळी घडली आहे. या आगीत अंदाजे तीन व्यक्तीचा मृत्यू झाल्याची दुर्दैवी घटना घडली आहे. तर ही आग शॉर्टसर्किटने लागल्याचा प्राथमिक अंदाज वर्तवला जातोय. दरम्यान या आगीत मोठ आर्थिक नुकसान देखील झालेय. मोठ्या शर्तीच्या प्रयत्नाने अग्निशामक पथकाने आग आटोक्यात आणली आहे.
छत्रपती शिवाजी महाराज चौकातील शिवाई नावाची जी इमारत आहे त्या ठिकाणी आग लागली होती. सर्वप्रथम आग ही फुलाच्या दुकानात लागली होती. त्यानंतर आग वाढत गेली शॉर्ट सर्किट झाले आणि आग वाढली. आग आणि धुराचे लोट वाढले. या इमारतीत काही फ्लॅट ही आहेत. त्यात राहणाऱ्या लोढे परिवार आगीत सापडला यात कुसुंबा शिवाजी लोंढे वय 80 सुनील शिवाजी लोंढे वय 58….प्रेमिला सुनील लोंढे वय 50 यांचा गुदमरून मृत्यू झाला आहे. आगीवर नियंत्रण मिळवण्यात यश आला आहे. याच इमारतीमध्ये काही विद्यार्थी राहत होते. साडी बाल्कनीला बांधून त्यांनी बाहेर उड्या मारल्या. यात चार जणांना किरकोळ मार लागला असून त्यांच्यावर उपचार सुरू आहेत.
video link
