bjp latur » Online News Portal

भाजपाची दुसरी यादी जाहीर, लातूरमधून पुन्हा सुधाकर शृंगारे यांना संधी…

admin — Wed, 13 Mar 2024 14:26:30 +0000

लातूर -आगामी लोकसभा निवडणुकीसाठी भारतीय जनता पक्षाची दुसरी यादी आलेली आहे. महाराष्ट्रातील २० उमेदरावांसह देशभरातील ७२ उमेदवार भाजपने जाहीर केले आहेत. विशेष म्हणजे महाराष्ट्रातील महायुतीतील जागा वाटपाचे सूत्र निश्चित होण्याआधीच भाजपने उमेदवारांची घोषणा केलेली आहे. लातूरचे विद्यमान खासदार सुधाकर शृंगारे यांना पुन्हा पक्षाने संधी दिली असून त्यांनी प्रथम पोस्ट या वाहिनीशी बोलताना आपण मागील काळात केलेल्या कामाची पावती मला पक्षाने दिली आहे. आपण पक्षश्रेष्ठी यांचे आभार मानतो आणि लातूरचा सर्वांगीण विकास करणार आहे असे त्यांनी म्हणाले.

कोण आहेत भाजपाचे महाराष्ट्रामधील उमेदवार

लोकसभा निवडणुकीसाठी भाजपची दुसरी उमेदवारांची यादी जाहीर

रक्षा खडसे-रावेर
अनुप धोत्रे- वर्धा
नितीन गडकरी- नागपूर
सुधीर मुनगंटीवार-चंद्रपूर
प्रताप चिखलीकर- नांदेड
रावसाहेब दानवे- जालना
दिंडोरी -भारती पवार
भिवंडी-कपील पाटील
मुंबई उत्तर-पियुष गोयल
मुंबई उत्तर पूर्व- मिहिर कोटेचा
पुणे- मुरलीधर मोहोळ
सुजय विखे- अहमदनगर दक्षिण
सुधाकर श्रृंगारे- लातूर
रणजितसिंह नाईक निंबाळकर- माढा
संजयकाका पाटील- सांगली
हिना गावित-नंदूरबार
सुभाष भामरे- धुळे
स्मिता वाघ- जळगाव
पंकजा मुंडे-बीड
सुधीर मुनगंटीवार-चंद्रपूर

The post भाजपाची दुसरी यादी जाहीर, लातूरमधून पुन्हा सुधाकर शृंगारे यांना संधी… first appeared on Online News Portal.

जिल्ह्याला जलसाक्षर करायला निघालेल्या नेताच साक्षर करण्याची गरज – अभय साळुंके.

admin — Mon, 23 Oct 2023 12:08:26 +0000

यंदा अत्यल्प पावसामुळे पाणीटंचाई ही लातूर जिल्ह्यामध्ये निर्माण झाली आहे. यावर्षी सरासरीपेक्षा अर्धा पाऊसच जिल्ह्यात पडला आहे यामुळे जिल्ह्यात येणाऱ्या काळात पाणीटंचाई होणार असल्याचे चित्र दिसत असताना निलंगा तालुक्यातील औराद येथे मांजरा व निम्न तेरणा या दोन्ही नद्यांच्या संगमावरून डॉक्टर शिवाजीराव पाटील निलंगेकर यांनी एक कोल्हापुरी बंधारा असून या बंधाऱ्यातून लाखो क्यूसेक्स पाणी आपल्या शेजारील कर्नाटक राज्यांमध्ये वाहून गेल्याची घटना घडली आहे. कर्नाटक सरकारने कोंगळी बंदाऱ्यावर पाणी साठवून ठेवले आहे ज्यामुळे कर्नाटक भागातील शेतकरी सुखावला आहे पण महाराष्ट्रातील शेतकरी मात्र पाण्यापासून वंचित राहणार आहे. निलंगा विधानसभेचे आमदार संभाजी पाटील यांनी काही दिवसांपूर्वी जिल्हाभरात जलसाक्षरता रॅलीचे आयोजन केले होते पण त्यांच्याच मतदारसंघांमधील पाणी हे शेजारील राज्य कर्नाटक येथे वाहून गेले आहे. याचे कारण म्हणजे या बंधार्‍यावर दरवाजे न टाकल्यामुळे लाखो क्युसेक्स लिटर पाणी वाहून गेले आहे यामुळे तेथील शेतकऱ्यांना शेतीसाठी व गुरांना पिण्याच्या पाण्याची टंचाई निर्माण होणार असल्याची भीती स्थानिक नागरिकांनी व्यक्त केली आहे. काँग्रेसचे नेते अभय साळुंखे यांनी या ठिकाणी जाऊन तेथील परिस्थितीचा आढावा घेतला व आता तरी सर्वाचे बसून परतीचा पाऊस जर पडला तर ते अडवण्याचे काम आपण करावे असे आवाहन यावेळी करण्यात आले. या बंधाऱ्यावर पाच गावातील शेतकऱ्यांची शेती अवलंबून असून त्यांना रवीची पेरणी करावी की नाही असा प्रश्न उद्भवला आहे. आमदार संभाजी पाटील निलंगेकर हे जिल्हाभरामध्ये जलसाक्षरता रॅलीच्या माध्यमातून जिल्ह्यात साक्षरतारा व्हावी म्हणून ते फिरले पण दिव्याखाली अंधार अशा शब्दांमध्ये त्यांनी टीका केली आहे.

video link

The post जिल्ह्याला जलसाक्षर करायला निघालेल्या नेताच साक्षर करण्याची गरज – अभय साळुंके. first appeared on Online News Portal.

दसरा अमृत महोत्सवाचे ध्वजारोहण ना. बनसोडे यांच्या हस्ते : कराड

admin — Mon, 23 Oct 2023 07:26:03 +0000

लातूर – लातूर शहराची दैदिप्यमान परंपरा व भारतीय संस्कृतीचे प्रतिक असलेल्या यंदाच्या सुवर्ण महोत्सवी सामुदायिक दसरा महोत्सवाचे ऐतिहासिक ध्वजारोहण २४ ऑक्टोबर रोजी दुपारी ३.३० वाजता राज्याचे क्रीडा व युवक कल्याण मंत्री ना. संजय बनसोडे यांच्या हस्ते होणार असल्याची माहिती महोत्सवाचे स्वागताध्यक्ष आ. रमेशअप्पा कराड यांनी दिली.

लातूरचे लोकप्रिय खा. सुधाकरजी शृंगारे, सीआरपीएफचे पोलीस उपमहानिरीक्षक संजीवकुमार, आर्य समाजचे प्रधान ओमप्रकाशजी पाराशर, सीए प्रकाश कासट, बाजार समितीचे माजी सभापती ललितभाई शहा, उद्योजक हुकुमचंद कलंत्री, शिवसेनेचे जिल्हाप्रमुख ॲड. बळवंत जाधव, प्रसिद्ध बांधकाम व्यावसायिक धर्मवीर भारती आणि दिलीप माने, राजकुमार पल्लोड, रामदास भोसले या विशेष अतिथींच्या उपस्थितीत होत असलेल्या या ध्वजारोहण सोहळ्यास हजारोंच्या संख्येने उपस्थित राहण्याचे आवाहन आ. कराड यांनी केले.

दरम्यान, महोत्सव समितीचे शहराध्यक्ष ईश्वर बाहेती, ग्रामीण अध्यक्ष प्रदीप पाटील खंडापूरकर, कार्याध्यक्ष जयप्रकाश दगडे, उपाध्यक्ष पतंजली फेम योगगुरु विष्णुभाऊ भुतडा प्रभृतींनी शनिवारी ना. बनसोडे यांची त्यांच्या निवासस्थानी भेट घेऊन दिलेल्या निमंत्रणाचा मंत्री महोदयांनी स्वीकार केला असल्याचेही आ. कराड यांनी सांगितले.

The post दसरा अमृत महोत्सवाचे ध्वजारोहण ना. बनसोडे यांच्या हस्ते : कराड first appeared on Online News Portal.

लातूर मधील मुख्य बार्शी रोड वरील खड्याची आरती करुन “सेल्फी विथ बेपत्ता आमदार” असे भाजपाचे अनोखे आंदोलन.

admin — Sat, 14 Oct 2023 09:47:11 +0000

लातूर – वीर भगतसिंह चौक लगत रेल्वे लाईन रस्ता येथे मुख्य रोड वर पाण्याच्या खड्यात युवा मोर्चा शहर जिल्हाध्यक्ष ॲड.गणेश गोमचाळे यांच्या नेृत्वाखाली खड्डयाची आरती करून “सेल्फी विथ लातूर लापता आमदार” असे आंदोलन करण्यात आले….

ज्या रोडवरील खड्यात हे अंदोलन करण्यात आले. या खड्यामुळे २००-३०० नागरिकांचा अपघात झाल्याने दवाखान्यात ऍडमिट करण्याची वेळ आली. त्यात लहान मुले व महिलांची संख्या जास्त प्रमाणात आहे. याचा निषेध म्हणून हे आंदोलन करण्यात आले.

काल 12 रोजी अमोल बिडवे 33 वर्षीय युवकाचा बार्शी रोडवर खड्डे चुकवण्याच्या नादात रोड अपघातात मृत्यु झाला होता. युवकास श्रद्धांजली वाहून हे आंदोलन करण्यात आले….

या वेळी भारतीय जनता पार्टी युवा मोर्चा लातुर शहर जिल्हाध्यक्ष ऍड. गणेश गोमचाळे तसेच जिल्हा सरचिटणीस गजेंद्र बोकन, प्रेम मोहिते, संतोष तिवारी, राहुल भुतडा,पंकज शिंदे,अ‍ॅड ऋषिकेश पांचाळ,शंकर नागभुजंगे, नितिन लोखंडे,अ‍ॅड संजय घुले, किशोर कवडे, आकाश जाधव, पांडुरंग बोडके,लखन कावळे,एम के झुंजे पाटील, गोविंद सुर्यवंशी पाटील..

The post लातूर मधील मुख्य बार्शी रोड वरील खड्याची आरती करुन “सेल्फी विथ बेपत्ता आमदार” असे भाजपाचे अनोखे आंदोलन. first appeared on Online News Portal.